يارب رجعنى لقسوه مشاعرى

اول مره احب
قصدى احب بجد
بس ده مش اى حد
اللى بحبه ياقلبى

زمان كنا بنعانى
فقدان المعانى
رغم اللى قبلناهم
مكناش بنحب

ايه!! بنعيده تانى
اتكرر جرحى تانى
مكتوب عليا اعيش
وحيد من غير قلب

يوم ما عشقت واحده
مكنتش اى واحده
فاقد انا املى
انى اكون ليها

دايما بتيجى على بالى
شغلانى وتاعبه حالى
شايفها فكل ثانيه
ومش قادر ابعدها

بموت من شوقى ليكى
بتعذب من عنيكى
عارف دوايا عندك
لكنه مش بايديكى

حتى لو حسانى
مانتيش ابدا علشانى
مهما يا حبيبتى اعمل
اتحدى عصرى وزمانى

مش هيفيدك بكايا
ولا هيفيدنى كمان
بس انا جرحى فهوايا
محتاج احس بأمان

ساعات اقول ليه ياربى
خلتنى اعشق واحب وادوب
ساعات اقول ليه ياربى
وانا على قد حالى يادوب

مش اعتراض
ابدا لكن
او امتعاض
ابدا لكن
شايف صورتك
فكل الاماكن
اعمل ايه

يارب رجعنى
لقسوه مشاعرى
يارب قوينى
الجرح كاوينى