للمبتدئات في الطبخ الي بيشيطوا الارز

بصوا بقي

أنا عارفه ان الي بيدخل المطبخ و بيحاول يعمل رز في المرات الأولي بيحرق الرز

مع ان الرز ماعملوش حاجه علشان يحرقه

ماعلينا

فالرز الغلبان المسكين صِعِب عليا و رأَفْت بحاله و لذلك جبتلكم خطوات تنفذوها يا الي بتحرقوا الرز الي ماعملش أي ذنب في حياته علشان نهايته تكون علي ايديكم

ندخل في الموضوع

كل كوب رز عليه كوب ماء وكل 3كوب رز عليه معلقه صغيره ملح
هنعمل ايه بقي ؟؟؟؟
ننقي مثلا كوبين ارز ونغسلهم وبعدين هنجيب الحله الي هنعمل فيها الارز ملحوظه (الحله ممكن تكون اكبر من حجم الارز لكن متكونش اصغر علشان لو اصغر الارز مش بيستوي كويس )وهنضع فيها مقدار من السمن حسب الرغبه او الزيت وده حسب نوع الطعام لو اسماك يبقي زيت غير كده سمنه ونضع المقدار ده في الحله علي النار
ونسيبه لغايه ما السمن او الزيت يسخن بعدها هنضع كوبين من الماء علي السمن او الزيت ونضع نصف معلقه ملح صغيره ونسيبه يغلي ولما تغلي المايه نضيف الارز
ونغطي الحله وحوالي خمس عشر دقايق والمايه هتنشف نبدا نقلل درجه الحراره علي الاخر خالص ونسيبه في النار الهاديه دي يستوي وبعدها بربع ساعه او علي حسب الكميه ممكن اقل او اكتر في الوقت تقدر تعرف ان الارز استوي بتذوق واحده منهم وخدوا بالكم مش بياخد وقت كتير

وبالهنا والشفا

ههههههههههههههههههههههه
جميله منك بس انا مش بحرقه الحمد لله