رغيف حواوشى على الطريقة المصرية

السلام عليكم ورحمة الله

انهارده هانتعشي مع بعض رغيف حواوشى مشطط مع سلطة زبادى

المقادير :

كيلولحم مفروم - 2 بصلة كبيرة - 3 حبات طماطم(مقطعة مكعبات صغيرة جداً) - 2 حبة فلفل أخضر رومي (بارد) - 3 حبات فلفل أخضر حار (حسب الرغبة) - 1 م.ص ملح - 1/2 م.ص فلفل أسود - 1 م .ص بهارات لحم - حزمة بقدونس - 3 فصوص ثوم (أو ملعقة كبيرة ثوم مجفف) - خبز مصري (بلدي)

الطريقة :

أخلطى المقادير كلها مع بعض حتى تمتزج ..
أحضرى خبز ساخن او فريش لكى يفتح بسهولة .. ممكن تعملى الرغيف صحيح
أفتحى الرغيف فتحة 10 سم وادخلى قطعة من الخليط السابق حتى تغطى داخل الرغيف ونضيف ملعقة سمن لو نحب

_ لفى الرغيف فى ورق الفويل وأدخليه فرن حار 180 درجة لمدة نصف ساعة ..

_ كررى العمل حتىتنتهى كمية اللحمة بعدد الأفراد ...

_ أحضرى كوب زبادى وفرغيه فى سلطانية صغيرة وأضيفى اليه 2 فص ثوم مطحون
وملعقة صغيرة من الكمون المطحون وملعقة زيت زيتون .. وأمزجيهم جيدا
ثم ضيفى ورق البقدونس على الوجة ....

وبالهنا و الشفا