الكشــــــــــــــــــــــــــــــــــرى

الكشـــــــــــري المــــــــــــــــصــــــــــري

المقادير

نص كيلو مكرونه إسباجتى
نص كيلو مكرونه مقصوصه (المكرونه العاديه)
2ملعقة صلصه ( جاهزه)
عصير طماطم
ربع كيلو عدس بجبه
ربع كيلو حمص
1كوب ارز
1 كوب شعريه
ملح؛ كمون
قليل من الزيت (1 ونصف كوب)
من 5: 10 فصوص ثوم مفروم
1 بصله شرائح

الطريقه

اولا: نحمر شرائح البصل فى الزيت وترفع على ورق مطبخ وتترك ليتصفى منها الزيت (توضع هذه الشرائح على وش طبق الكشرى لمن يرغب فى ذلك اى انها ليست ضروريه)
ملحوظه: يمكن استخدام الزيت الى حمرتى فيه البصل فى باقى خطوات الكشرى كما سنرى
ثانيا : ينقع العدس لمده من 3:4 ساعات
ملحوظه: لو مانقعتيش العدس هياخد فتره طويله جدا حتى يستوى لدلك النقع اوفر( بدون النقع حوالى ساعه وبالنقع مش هياخد اكتر من 10 دقائق)
يسلق العدس مع وضع ملح وكمون فى الماء اثناء السلق
ثالثا : نعمل مع الحمص نفس الخطوات

رابعا : نسلق المكونه الاسباجتى وكذلك المكرونه المقصوصه كل على حدا وبعد السلق ممكن نخلطهم سوا ( لازم يتصفوا كويس جدا)
ملحوظه: نضع فى ماء السلق القليل من الزيت حتى لا تتعجن المكرونه
خامسا : نضع كوب من الزيت فى حله متوسطة الحجم وعندما يسخن نضع الشعريه وعندما تبدا بالاحمرارنضع كوب الارز(طبعا بعد غسله وتصفيته) ونقلب حتى يصبح لونه ابيض (من 5: 10 دقائق) ثم يضاف اليه الماء حتى يغطى الارز1 سم ونترك الارز حتى يستوى
سادسا: نضع نصف كوب الزيت فى حله صغيره وننتظر حتى يسخن ثم نضيف اليه عصير الطماطم وننتظر حوالى 7 دقائق ثم نضيف الثوم المفروم والكمون والملح والصلصه حسب الرغبه وننتظر حتى (تتسبك)
سابعا: لعمل الشطه
ناخذ قليلا من الخليط الذى صنعناه فى الخطوة الخامسه ونضيف اليه الشطه حسب الرغبه ويترك قليلا على النار ثم يضاف اليه 1 طماطمايه مكعبات
واخيرا انتهى الكشرى
للغرف:
ناخذ قليلا من المكرونه المقصوصه وقليلا من المكرونه الاسباجتى وكذلك الارز بالشعريه والعدس والحمص والصلصه المطبوخه كل ذلك فى طبق ونضيف عليه البصل والشطه حسب الرغبه
ملحوظه: يمكن ترك المكونات كل على حدا ويمكن خلطها جميعا فى حله واحده( ماعدا الصلصه والبصل والشطه طبعا)
بالهنا والشفا

علي فكره :
الي هايطبخه هايدعي عليا لأن مواعينه كتييييييييره

و الي هاياكله عالجاهز من غير مايطبخه هايدعيلي لأن طعمه تحفه