نفسى فزوجه صالحه بس صينى

والله يا جماعه
قعد اسرح بمخيلتى وافكر فالاسعار الولعه
اللى فبلدنا المحروسه مصر وكنت بقارن بين جوده المنتج والسعر بتاعه
لقيت شىء جميل جدا
ان معظم البضاعه اللى فمصر صينى صينى صينى قول زى ما انت عايز انه صينى
الا طبعا الاماكن الهاى كلاس ومصر كلها يا جماعه هاى كلاس

بس عرفت السبب لان انا ناصح على رأى صاحبى الصعيدى
لقيت ان مسئول كبير اوى فالدوله متجوز من الصين
وبيروج للبضاعه بس محدش يقول لحد
مسئول جمركى هوه يا جماعه وهوه اللى بيهربه
وهوه مش ساكن فمصر ولا القاهره ولا اسمه كذا وكذا
فجأه لقيت زى اللى فحلم زى المدرسه السرياليه بالظبط
طلعت من الحلم الصينى الى الحلم الاعمارى
لقيت مدينتى وجاردن سيتى والعبور وانا وانت ورقصنى ياعم
هيص يا مان هيص بكره هتبقى عريس
الحكومه بتاعتنا اكتشفت انها رجاله بس رجاله لامؤاخذه يا مان
بيقولوا وبيعترفوا انه فيه بطاله مش عارف من اد ايه اصلى تعبت عد بعيد عنك
وعشان كده عملوا مشروع ابنى بيتك وايصالات البيوت ببتاع فالانترنت ويقولك ده اخر كلام
اذا كان عاجبك يا معلم
فعز ما مدن وشاليهات ومارينا وانا وانت ودينا وكل ده بملايين يا ناس وقروض من البنوك
ولو شاب عنده فكره لازم ضمانات من ابن ال.... بدل مايسرق بلده ابن ال..
بس لو غيره يسرقها براحته يا مان ما احنا بلد لامؤاخذه
فجأه انتقلت مره واحده الى شىء جميل جدا جدا جدا جدا جدا قول يا مان قول سمعنى جدا
لقيت ايه فالسعوديه ربنا يارب يحفظ حاكمها يارب ويديله المزيد من العمر فى طاعه الله
انهم مانعين المواقع اللى تسىء للاسلام عشان محدش يقراها ولا يدخل عليها
يعنى فيه رقابه انترنت من السلطات
فقلت فعقل يابالى اومال يا واد البلد سايبه ليه الكلام اللى ينرفز مفتوح على البحرى
لقيت قال ايه يا مان عشان الناس اللى عندها دم يمارسوا شغلهم ويشدوا شعرهم
والناس اللى معندهاش دم اهى مواقع الجنس عايزة تعمل شغل واحنا بنحارب البطاله
والناس دى بتتعب ليل نهار
مره واحده نقلت على حلم تانى وكأنى ماسك كتاب فدماغى بتاع احلام
جيت على الاذاعه بينى وبينك عايز ابقى مذيع
لقيت ان المذيع دلوقتى بقى فيه المذيع النجم اللى بيتنطط على ضيوفه وناقص يقوله هس ياض
اسكت انت وانت مش عارف حاجة امثال الامور عمرو اديب واللى كنت بحترمه احمد شوبير
حاسس بنجوميته على الاخر بعد ما ساب الكورة يارب يرجع زى زمان عشان انا كنت بقدره
فجاه وبلا مقدمات لقيت نفسى اتجوز زى الناس وجت فبالى فكره
انى اتجوز عروسه صينى منها سعرها حنين
ومش بتعمر يعنى هتتكل على الله ويبقى يجى غيرها
هههههههههههههه

معزرة على المداعبه الاخيره دى
بس بجد من ضيقى من الحال العام قلت انفث بشويه هزار
ومحدش يقولى طيب بموضوع هادف ياأخى
لان انا ليا مواضيع الحمد لله هادفه
ابقوا بس فتشوا فيها
سلام يا شباب