الـمـنــصــوره عـروس الـنـيـل

المنصوره الاول كان اسمها جزيرة الورد واتغير اسمها ل "المنصوره" بعد ما حققت النصر على الحمله الصليبيه فى معركة "المنصوره".ويوجد بالمنصوره دار بن لقمان وده هو البيت اللى اتأثر فيه لويس التاسع . على فكره كان سبب النصر فى المعركه هو صمود رجالة المنصوره . ويوجد فيها جامعه تعتبر من اكبر الجامعات على مستوى الدوله.من مشاهير المنصوره:د/ محمد غنيم من مشاهير زراعة الكلى فى مصر(على فكره مركز المسالك البوليه متسمى باسمه) وبرده الشيخ محمد متولى الشعراوى،أم كلثوم المطربه، الكاتب الكبير أنيس منصور، الشيخ جاد الحق على جاد الحق. م الاخر بئا هى بلد جميله وانا بموووووووووت فيها دلوقتى بئا انا هاقدم لكم شوية صور لمدينة المنصوره.
دى شوية معلومات عن المنصوره جبتها من على موسوعة الويكبيديا
تاريخها
أنشأت في عهد الملك الكامل أحد ملوك الدولة الأيوبية عام 1221 ميلادية وعرفت باسم جزيرة الورد ثم سميت بالمنصورة بعد النصر فيما سمي لاحقا بمعركة المنصورة الذي حققه الشعب المصري على الحملة الصليبية السابعة التي حاولت احتلال مصر.
و انتصر المماليك في هذه المعركة ورد الحملة الصلبية وتم أسر قائد الحملة الصلبية في ذاك الوقت لويس التاسع بدار ابن لقمان بالمنصورة والتى لازلت موجودة كمتحف تاريخي.
وقعت فيها معركة المنصورة الجوية بتاريخ 14 أكتوبر 1973و تعد هذه المعركة أعظم المعارك الجوية العربية اذ كان لها دور كبير في انتصار مصر في حرب 73 .
موقعها:
وتقع المنصورة على الضفة الشرقية لنهر النيل فرع دمياط وتبلغ مساحتها 20 كم2. وعلى الضفة المقابلة تقع مدينة طلخا.
معالم المنصوره:
معالم المنصورة
الرياضة

أما عن المنشأت الرياضية فتضم
قرية أولمبية متكاملة تابعة لجامعة المنصورة.
استاد مدينة المنصورة الذى يسع ل30 ألف متفرج.
نادي جزيرة الورد الرياضي في المشاية السفلية لشارع الجمهورية (البحر).
نادي الحوار الرياضي في المشاية السفلية لشارع الجمهورية (البحر).
نادي أعضاء هيئة تدريس الجامعة في المشاية السفلية لشارع الجمهورية (البحر).
نادي ضباط الشرطة.
نادي المنصورة الرياضي
المعالم الأثرية
دار ابن لقمان الذي أسر فيه لويس التاسع لعشر سنوات مما أهله لأن يُرَسّم قديسا.
قاعات الفن التشكيلي
قاعة قصر ثقافة المنصورة.
قاعة متحف دار بن لقمان.
الأماكن الترفيهية
نادي جزيرة الورد. (شارع المشاية السفلية)
النادى الإجتماعى بستاد المنصورة.(أمام سجن المنصورة، بشارع عبد السلام هارف)
نادي الحوار.(المشاية السفلية، بجوار مسجد السلاب)
نادي النيل.
حديقة جزيرة الورد.(شجرة الدر حاليا، المشاية السفلية)
حديقة الطفل.
حديقة حيوان مقامة على مساحة 12,257 م2 (بحي توريل)
كورنيش النيل.
حديقة صباح الخير يا مصر.
قصر ثقافة المنصورة.
مشاهير من المنصورة
الشيخ محمد متولي الشعراوي
الشيخ جاد الحق علي جاد الحق.
محمد غنيم رائد زراعة الكلى في مصر والعالم.
أم كلثوم اشهر مطربة في العالم العربى.
على محمود طه الشاعر الشهير.
أنيس منصور
أبو التعليم علي مبارك
استاذ الجيل أحمد لطفي السيد
الشاعر كامل الشناوي
الشاعر مأمون الشناوي
الممثل عادل إمام
الممثلة فاتن حمامة
المستشار عبد القادر عودة
المهندس إبراهيم شكري
الأستاذ أحمد حسين ( مصر الفتاة )
الأستاذ عادل حسين .

الصور الي فاتت كلها لمبني المحافظه

ودلوقت هاجيبلكم مكتبة مبارك المجاوره لمبني المحافظة

و دي بقي صوره بتجمع مكتبة مبارك و مبني المحافظه

مدينة المنصوره تجمع إستادين

إستاد المنصوره الرئيسي و هو الذي تقام فيه مباريات كرة القدم

و إستاد مبارك بجامعة المنصوره
و الصور دي بقي لإستاد مبارك جامعة المنصوره

و الصور دي بقي لإستاد المنصوره الرئيسي الذي تقام فيه مباريات كرة القدم

و دي صوره لميدان استاد المنصوره

و دا بقي شارع مُجَمَّع المحاكم و مقَرُّه أمام استاد المنصوره الرئيسي

لو مشينا من شارع مجمع المحاكم لحد مصر للطيران هانلاقي طريقين يمين و شمال

لو مشينا في الطريق اليمين هانلاقي كُلِّيتي ((كلية الدراسات الإسلامية و العربية للبنات بجامعة الأزهر))

و لو مشينا في الطريق الشمال هانلاقي مُجمَّع التوحيد الخيري

و لو مامشيناش لا يمين و لا شمال و كمِّلنا في طريقنا علي طول

هانلاقي مسجد النصر

و في المقابل ليه هانلاقي جمعية الشُبَّان المسلمين و الجمعية دي من معالم المنصوره الأساسيه

ولو ادينا ضهرنا لجمعية الشبان المسلمين هانلاقي الست أم كلثوم واقفه و متسلطنه عالآخر ..... قصدي هايلاقي ميدان أم كلثوم في وشه

و لو انت لسه مدي ضهرك لجمعية الشبان المسلمين هاتلاحظ ان الست أم كلثوم مديالك ضهرها و وشها متجه لشارع قناة السويس

و ده بقي ميدان شارع قناة السويس

و الشارع ده متفرع إلي عدة شوارع من ضمنها شارع توريل و الشارع ده بيحتور علي مكانين من معالم المنصوره طبعا
المكانين دول : بيت المحافظ (( ماحبيتش أصَوَّرُه ))
و المكان التاني : مدرسة اللغات التجريبيه

ودي صورتها

و لو كَمِّلنا مشي ناحية البحر هانلاقي في طريقنا المحكمه الإبتدائية

و بجوارها قصر الخديوي إسماعيل

و هانلاقي بعده علي طول كوبري النفق أو كوبري القطر

وده شكله وقت الشروق

و ده بقي شكله بالليل مع الأضواء الليليه

و بعد كوبري القطر أودامك اتــــــــــجــــــــــــاهــــــــيــــــــــــن :

الإتـــجـــاه الأول : تطلع علي طريق عمر أفندي
وده برضه بيتقسم ليمين و شمال

اليمين هاتلاقي فيه قــــــصــــــر ثــــقــافـــة المــنــصــورة

و الشمال هاتلاقي فيه مدينة الهابي لاند و هاتلاقي فيه نادي السكه الحديد و هاتلاقي ميدان الشعله

ودي صورة ميدان الشعلة

الإتــــــجـــــاه الثاني : إنك تكمل طريقك علي كورنيش المشَّايه

هاتلاقي بقي فوق دماغك كوبري بيوصَّل من المنصورة و طلخا (( طلخا دي مركز بعد المنصوره بس هي أقرب مركز من مدينة المنصوره و مش بيفصلهم عن بعض إلا الكوبري ده بس))

و دي بقي صورة كوبري طلخا

و في الطريق هاتلاقي جداريه مُهداه من المهندس عبد العزيز السلاَّب لمدينته (مدينة المنصورة)

شوفوا بقي شكلها من زوايا مختلفه

و لو بصيت فوق شويه هاتلاقي مديرية الأمن ((مارضيتش أصورها أحسن كلنا نشَرَّف هناك))

بصوا بقي علي النيل في أوقات مختلفه و من زوايا مختلفه

و ده غروب الشمس علي نيل المنصوره

ودي صور تانيه لنيل المنصوره ((عاجباني أوي جملة نيل المنصوره دي محسساني أنه نيل تاني غير النيل الي احنا عارفينه))

الصوره الجايه دي بقي متصوره من طلخا لكن كل الصور الي فاتت متصوره من المنصوره ((ولو ركزتوا هاتشوفوا ان المنصوره و طلخا الشئ الوحيد الي بيفصلهم هو النيل و الشئ البيربطهم ببعض هو الكوبري

لو انت دلوقت ماشي علي طريق كورنيش المشايه و وصلت لحد مالقيت علي شمالك سلم ماتطلعش السلم لكن ارفع راسك ناحية الشمال هاتلاقي البنك الأهلي المصري

لو كملت في طريقك عادي علي كورنيش المشايه هاتلاقي وانت في الطريق علي يمينك نادي جزيرة الورد

و بعده بشوية هاتلاقوا جزيرة الورد ((مكان هادئ كله خُضرَه و فيه بقية الكورنيش يعني الماء و الخُضرَه و الوجه الحَسن ...و طبعا الوجه الحَسَن ده مش هايتوفَر إلا إذا أنا كنت معاكم ))
المكان ده أنا بحبه جداااااااااااااااااااااااااااااااااااااااااا

مره روحته أنا و مروه و سمر اصحابي و فجأه لمحت غروب الشمس (( منظر خطف قلبي و صَورتُه ))
أنا بصراحه صورته كذا صوره بس اخترتلكم صوره واحده
هي دي:

و بعدها بشويتين نادي الحوار الرياضي ((النادي ده أنا عامله اشتراك فيه ))
ودي صورته

و بعده بشويه نادي الشرطه

واذا كنتم اتخنقتوا من الطريق ده كله يبقي يلا بينا بقي ناخد شمال و نطلع علي جامعة المنصوره

شوفوا بقي جامعة المنصوره قبلها علي طول ميدان اسمه ميدان الجامعه
هو ده :

و ده بقي مدخل جامعة المنصوره

و ده مبني الإداره العامة لجامعة المنصوره

و ده بقي مركز طب و جراحة العيون بجامعة المنصوره

أنا طبعا عارفه اني كان المفروض أفسحكم أكتر من كده علي المنصوره بس بصراحه دي كل الصور الي معايا
لكن أوعدكم ان شاء الله هاجيبلكم صور أكتر من كده علشان أعرفكم أكتر علي مدينة المنصورة

مـــــــــــــــــــــــــــــــديـــــــــــــــــــــــــــــــنــــــــــــــــــــــــــــــــتــــــــــــــــي[/size][/color]

[/center]