قواعد وخريطه المنتدى

القاعده رقم واحد

الكوسه فالعالم العربى موجوده بشكل كبير لذلك يمنع منعا باتا استيرادها
لا بكميات كبيره ولا صغيره ولا تخينه ولا رفيعه كفايه البلى الازرق اللى احنا فيه


القاعده رقم اتنين

الحب والحبيبه وسنينهم الغابره اللى مش فايته ياريت بقى لما ندخل المنتدى
ننساها من اصله الا بقى لو فيه علاقه رسميه ارتباط رسمى يعنى
بمعنى اصح دبله فاليمين او الشمال فاهمين يا جدعان

القاعده التالته

التهييس مش ضرورى نهييس لان حنا مهييسين على نفسنا اصلا

القاعده الرابعه

اللى داخل يدور على بنوته حلوة يعيش عليها ويضحك على عقلها الغلبانه ويعمل
فيها خريج مدرسه فلانتينو ياريت يعرف انه غلط فالعنوان لان المدرسه هنا داخلى يا حبيبى وكلها رجاله

القاعده الخامسه

يمنع الاساءه لأى دين بأى شكل او الانحياز بشكل او بأخر فعلينا جميع احترام انفسنا وانفس غيرنا

القاعده السادسه

ياريت التوقيع يكون صغير ولو مرفق فيه أيه قرأنيه او مثل او حكمه يكون احسن

القاعده السادسه

ياريت اختيارك لاسمك يكون بيعبر عن شخصيتك او حالتك النفساويه اللى انت عايشها

القاعده السابعه

ارجوك بليز سيلفو بليه متحرمناش من ردودك الروعه اللى بتشرفنا

القاعده التامنه

طبعا يمنع أرفاق اى ملف يخدش الحياء يا حبيب قلبى

القاعده التاسعه

كل الناس هنا اخواتك منين متحتاجهم هتلاقيهم جنبك اكتب موضوع واطرحه بشكل عام تلاقينا كلنا جنبك بأذن الله

القاعده الاخيره

يارب تكون حسن الختام

قل لا اله الا الله محمد عبد الله ورسوله
اللهم احيينى مسلما وتوفنى مسلما واجعل كل وقتى ابتغاء لرضاك
اللهم عفوك وسترك فالدنيا والاخره
اللهم اغفر لى ووالدى ولامه محمد جميعا من مؤمنين ومؤمنات الاحياء منهم والاموت


وسلام يا احلى شباب